ماذا يحدث لنا…..؟؟؟؟

7 02 2008

زمان أول كنا نسمع من أبائنا و أجدادنا إنهم كانوا يعيشون في بيت شعبي

 يضم أكثر من عائلة واقصد فيها تشوف أولاد أقربائك وبنات أقربائك

 كلهم تحت سقف واحدعايشين ,

 الثقة كانت موجودة ما أحد يخاف على أحد واثقين في عيالهم وبناتهم ..

 تشوف البنات محتشمات والشباب على نياتهم..وتشوف الناس تمشي في

الشارع سواء الصباح أو الليل كان فيه أمان ما في اختطافات ,ما في

 اغتصابات, مافي جرائم, مافي قتل.. مافي ستالايت مافي انترنت مافي

 جوال بوكام..مافي بلوتوث مافي..أشياء كثيرة..البساطة كانت موجودة

 الوازع الديني موجود..يازينه من زماااااااااان

وبيني وبينكم مافيه مغريات كما هو الحاصل الآن في زمانا ما راح أطول بحاول قد ما أقدر اختصر موضوعي..

في زمانا الحالي بصراحة الواحد يخاف من نفسه.. الثقة صارت

 معدومة..ومستحيل تشوف عائلات ساكنة في نفس البيت مثل زمان أول

 (وان وجد فهم قلة).. بصراحة كل قام يخاف على اولاده وبناته حتى من

 اقرب الناس لهم في ظل المغريات الكثيرة والسوالف اللي نسمعها

 ونقرأها في الجرائد اغتصاب “الله يحفظ الجميع” وغيرها من الجرائم

 اللي أحيانا الإنسان يقول معقول تصير الجرائم في بلدنا الاسلامي وين

 حنا عايشين(أنا أقولك إيه معقول ليش لأ ..في ظل ضعف الوازع

 الديني ..وفي ظل سوء التربية ..وفي ظل تأثرنا بالغرب)

وفي ظل اهتمامنا بأتفه التقنيات واستخدامنا السيئ لها راح اتعمق شوي

 “كل عارف إن أي تقنية حديثة ذو حدين يا خير , يا شر

 أنا راح أتكلم عن الجانب السيئ لأنه هذا اغلب اهتمامنا للأسف ومن دون زعل

ومن استخدامنا السيئ لها مثلا/

التلفاز(الساتلايت)

محطات الأغاني اللي صارت أكثر من الحصى وهدفها الأول والأخير

 تحصيل أموال المشاهدين عن طريق الشات او مقياس الحب ” خوش

 والله..صار الحب نفس درجة الحرارة نقدر نقيسه ” او مسابقات ما تدري

 من فاز فيها “أضف على ذلك التعري في الفيديو كليبات..صدور..مكــا..

 أجسام.. بالله أنت تسمع أغاني ولا تشوف لك فلم اباحي ..؟ “

3 شباب جالسين في قهوة وحاطين لهم على محطة أغاني مثل(غنوه)

 وأرسل يا شات “والله موت الحمر أم الجينز يالبيه ” وهز يا وسط وغبار

 المعسل والتعميرة مغطية على المكان وينتظرون خويهم الرابع علشان

 يلعبون بالوت..”واشحني يا شهوة”

برامج المسخرة والانحطاط العربي “يلعبون بعقولنا تجار المحطات

 والبرامج.. يقولون لك اكتشاف مواهب ومدري ايش”

أمثال/

 ستار أكاديمي“اختلاط وقلة أدب” أو سوبر ستار“ماعندهم سالفة” أو

ملكة جمال لبنان “المزايين” أو شاعر المليون“التعصب القبلي” أو غيرها

 من البرامج المماثلة اللي لاتسمن ولاتغني من جوع..

 شباب و بنات تصوت حق فلان (لأنه وسيم أو لأنه من نفس القبيله ومحتاج للفزعة)

او يصوت حق فلانة (لانها جميلة موت الحمر تستاهل اصوت لها واخسر فلوسي علشانها ..)

“وبعضهم يقولك والله ولد ديرتنا لازم نخليه يفوز لازم نخليه يوصل وش

 يوصل .. بيصنع الذرة أو بيخترع جهاز “

س: إذا صوّت بالله وش راح تستفيد/ تستفيدين..؟

/

\

ج:غير خسارة الفلوس وضياع للوقت

والرابح الأول والأخير اثنان هما:

شركة الاتصالات(النصابات نفس الوزن)

والفائدة الأكبرللبرنامج اللي أنت متعب حالك ومصوّت حق العالم..

ناس تخصصهم قنوات جنس واباحيات يدور لك على بطاقات تفتح شفرات

 وهات سهر..؟ و “اشحني يا شهوة”

الانترنت

ناس تفكر انه الانترنت وجد عشان تشحن شهوتها بس

ويا كثر المواقع الإباحية

فتلاقي لك ناس تبحث لها عن بروكسيات من موقع إلى منتدى عشان

 تحمل مقاطع وصور إباحية

وفي منتديات تتنافس على أحلى مقطع وأحلى صورة ومدري

 ايش..و”اشحني يا شهوة”

جوال بوكاميرا (البلوتوث)

الله سبحانه وتعالى أمر بالستر .. حتى لمرتكبي المعصية

مع تقنية الجوال المدمج بالكام ما عاد فيه ستر

“إلا ما رحم ربي..الله يستر على الجميع إنشاء الله”

الشاب يعمل معصيته “زنا أو لواط أو غيره”ويصورها وبعدين يجاهر

 فيها قدام العالم وفوق كذا تنشر..

وناس ولله الحمد تتمايع وتتعرى و تصور في أنفسها وتنشر؟؟,

وفي ناس مسكينة استغلت من قبل ضعاف النفوس..

وحدة تصور صديقتها للذكرى وتتفاجأ بصورتها منتشرة..او عن طريق

 الخفية تصور زميلتها وهي ما تدري أو..أو..حتى في الأعراس بالنسبة

 للنساء ما سلموا من جوال بو كام؟

“أتوقع كل يدري عن المشاكل اللي صارت والسبب تقنية الجوال المدمجة

 بالكام”

تقنية البلوتوث..”شغل البلوتوث..و استقبل” إذا اجتمعوا شباب أو بنات..

ها وش عندك من جديد المقاطع والرقص والأغاني والصور الزينة..

أرسل و أستقبل؟ و”اشحني يا شهوة”

>الكلام للجنسين الشباب والبنات برأيك وش ينتج عن كل هالمغريات

 والتخلي عن قيمنا الاسلامية..؟<

>قصص وسوالف واقعية في زمانا الحالي “وفي مجتمعنا الاسلامي

 للأسف“<

نتيجة “اشحني يا شهوة”+”ضياع لقيمنا الإسلامية”

في زمانا الجميل تشوف بعض البنات يلبسون العبايات الضيقة والملونة

 والأشكال الغريبة اللي ما ادري أي مصمم حمار وانتو بكرامة مسويها,

 نص الصدر طالع يشم هواء

و المكـ…تطلب العفو من ضيق العباية

والحجاب يا الله من فضلك نص الشعر طالع

وفوق كذا إذا تحرش فيها احد من الشباب قالت له أنت ما تستحي أنت

 وأنت.. وين يستحي؟..بالله من هو المفروض يستحي..؟

في زمانا الحالي نسمع إن في فتاتان في نفق (,,,,) وسط مدينة الـ(,,,,)

 يتمشون في وقت متأخر من الليل و4 شباب يتمشون في نفس النفق

 وشافوا لهم هالبنات قالوا: بس هذا صيد سهل وما أحد حولنا خلنا نهجم

 ويجونك الشباب وهات تحرش وهات تصوير تحس إنهم يبغون

 يستخدمون كل تقنية العصر الجديدة في تحرشهم وبعدين أنشر حتى

 صاروا مشهورين ماشاء الله عليهم.

وفي زمانا هذا تسمع إن في فتاة متزوجة من مدينة الـ(,,,,) طالعة مع

 خويها اللي كانت على علاقة معاه قبل زواجها وتتفاجأ ب7 شباب

 يغتصبونها هي و خويها..حتى سميت بفتاة الـ(,,,,)؟

وفي زماننا الحلو نسمع انه في فتاة من مدينة الـ(,,,,) موظفة وعندها

 سائق بلدي”من نفس الجنسية” يأخذها من البيت إلى العمل والعكس..

 ويجي لك يوم تسمع انه هالسائق (للأسف انه مسلم وبلدي) اختلى بالبنت

 ويعزم أصحابه ويغتصبون البنت المسكينة اللي مالها ذنب غير إنها

 أنثى..؟

في زمانا الجميل نسمع انه في رضع مرميين في كراتين أو صناديق

 بالقرب من مستشفيات أو مساجد أو في البحر وماهم إلا لقطاء مساكين

 جاووا من غلطة عاشق ومعشوقته بالحرام وين قلوبنا الرحيمة..؟

في زمانا هذا نسمع انه شباب مختطفين حدث(ولد جميل “وسيم” وش ذنبه

 انه طلع وسيم) وفاعلين فيه الفاحشة.. ويحتارون يا أما يقتلونه أو يرمونه

 في بر بعيد أو يرجعونه بيتهم..وين حنا فيه إلى هالدرجة وصلنا..؟

(غابة حيوانات)

في زمانا نسمع إن شاب من مدينة الـ(,,,,) حرق أمه وأبوه وتوفى أبوه

 بسبب الحريق وأمه في المستشفى..مسكينة على اللي سواه فيها إلا إنها

 تنادي باسمه وتبغي تشوفه وخايفة عليه.. وهو ولا همه شيء.. بالله

 تتوقعون فيه ذرة رحمة ولا إنسانية..

اليهودي ما يسوي سواته؟

في زمانا استغفر الله اللي كرهت اسميه<< تشوف جماعة متضاربين

 هذا طاعن واحد بالسكين وإلا نسمع انه هذا متضارب مع قريبه وأطلق

 عليه رصاص من مسدسه وغيرها من سوالف القتل اللي كل يوم في

 ازدياد..هذا غير الناس اللي تنتحر على أتفه الأسباب..

حب او مديونية او غيرها<<للأسف انه يطلق عليهم اسم مسلمين..

وغيرها من القصص والسوالف اللي ما يسمح لي الوقت اسردها كلها بس

 أتمنى من الجميع انه يعيد التفكير في كل شيء حوله ويقارن بين زمان

 أول والحين ويشوف الفرق ونحاول قدر ما نستطيع نكبح شهوتنا ونتغلب

 عليها ونرجع لقيمنا الإسلامية ونربي عيالنا عليها واسال الله الستر

 والسلامة لي ولكم ولاهالينا اجمعين..>>..

ماذا يحدث لنا…..؟؟؟؟

موضوع أعجبني من البريد

 يتحدث عن واقعنا الذي اردت أن اكتب عنه

ولكن وجدت انني لن اكتب افضل مما كتب

Advertisements

إجراءات

Information

5 تعليقات

8 02 2008
تذكار

الله يثبتنا 🙂

مشكوور ع الموضوع اللي جاي في وقته

10 02 2008
عبدالله العتيبي

واله انك صادق مــــــــــــــشــــــــكور

15 02 2008
طير يرقص من شده الالم

ومهما حصل…ترى الدنيا لسه بخير

اسمحي اخوي بس اونه بشي وهو ان التعصب القبلي موجود في مزايين الابل وليس في شاعر المليون

15 02 2008
gloss

و أضيف بأننا اصبحنا نخاف على الاخت ولا نستطيع تركها مع اخيها في البيت لوحدهما…
نحن في وقت مرعب جدا…

16 02 2008
abulara

طير يرقص

المزايين وشاعر المليون كلها تعصبات قبلية
فشاعر المليون الغيت الوطنية مقابل القبلية فتجد شخص من السعودية يصوت لشخص قطري بسبب انهم من نفس القبيلة

gloss
لا تكون بهذه الصورة التشائمية لم نصل لهذه الدرجة ان شاء الله

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s




%d مدونون معجبون بهذه: